Part of the heritage of any nation and its people is the national costume, which testifies to their history and culture. Mongolian national costumes have over many centuries of rich history and many unique styles and forms.

Today, the Mongolian nation is made up of about 20 ethnic groups, and the national costume has a rich heritage of more than 400 types. One of these ethnic groups, the Khalkha woman's clothing, is in the form of an ensemble consisting of a deel, a vest, a headdress, and shoes.

Аливаа улс үндэстэн, ард түмний өв соёлын нэг хэсэг нь үндэсний хувцас, бидний түүх соёлыг гэрчилдэг. Монгол үндэсний хувцас нь олон зуун жилийн баялаг түүх, олон өвөрмөц хэв маяг, хэлбэр донжийг бүрдүүлсэн байдаг.

Өнөө цагт монгол үндэстэн нь 20орчим ястангуудаас бүрэлдэн тогтдог бөгөөд үндэсний хувцас хэрэгсэл нь 400гаран төрөлд багтах баялаг өв уламжлалтай. Тэдгээр ястангуудын нэг болох халх эхнэрийн хувцас нь дээл, ууж, толгойн гоёл, гутал гэсэн ансамбель хэлбэртэй. Халх дээл нь зах өндөр, энгэр нь дөрвөлжин, залгаатай. Урд энгэрийн залгаасан дунд оруулсан татаастай, ханцуй нь хөндлөн босоо хуваалтаас бүрдсэн, үзүүр хэсэгтэй нударгатай, урт байдаг. Дээлийн ханцуйн толгой нь мөрний залгааснаас дээш гарсан түнтгэр мөртэй. Дээлийн гадуур өмсөх ууж нь ёслол хүндэтгэлийн хувцас бөгөөд ханцуйгүй, энгэр задгай, шулуун байдаг.

Монголчуудын хувцас гоёл чимэглэл нь эрхэлж буй аж ахуй, зан заншил, байгаль орчин, цаг агаарын онцлог зэргийг бүрэн тусгасан. Тухайлбал, баруун тийш дарсан дөрвөлжин энгэр нь салхи орохоос хамгаалж, нударга нь жийргэвч, бээлийний үүрэг гүйцэтгэдэг.

Мөн зарим үед улс төрийн утга, ёгт санааг агуулдаг. Халх эхнэрийн дээлийн энгэрийн татаас нь бие давхар эмэгтэй дайснаас үр удмаа хамгаалах зорилгоор хийдэг байсан.Харин түнтгэр мөр, дэргэр үсийг галын бурхан болгож суулгасан жигүүртний хаан хангарьд шувуутай зүйрлэдэг.

Энэхүү халх дээлээ бүтээхдээ Богд хаант Монгол улсын хатан, Цагаан дара хатан Дондогдуламын хувцас хэрэглэлээс сэдэл авч хаад, хатдын хэрэглэх энх амгалан, бат бэхийн бэлэг тэмдэг хорол хээг нарыг билэгдэж шар, шаргал өнгөөр илэрхийлэн уужин дээр урлаж, уудам дэлхийг бэлэгдэж уужны хормойг өргөн, уртаар дүрсэлсэн. Хорол хээ нь голдоо хорол өртэй, дөрвөн зүг, найман зовхисыг бэлэгдсэн хаан бугуйвч, хатан сүйх, таван нүдэн, заан соёо, загасан нуруу, үнэртэн, шүр, уул,усаар хүрээлүүлсэн дугараг хэлбэртэй. Мөн Монголчуудын эрхэмлэн дээдлэх тэнгэрийн хөх цэнхэр өнгөөр уужаа эмжиж, галыг бэлэгдэх улаан өнгөөр дээлээ урласан. Дээлийн ханцуйнд хэсэг тус бүрээр үндэсний өв уламжлал, баярлаг түүхээ илэрхийлсэн олон өнгий торгыг ашиглаж, нударганд эмэгтэй хүний онцлог, уян зөөлөн байдлыг үр шимээ үлдээх цэцгэн хээгээр дүрсэлсэн.

Мөн Монгол ард түмний байгаль дэлхийгээ дээдлэх хээ, дүрслэлийг дээлэндээ урласан.